Futbolçumuz oynadı, klubu məğlubiyyətlə üzləşdi

Almaniya ikinci Bundesliqasında 25-ci turun oyunları keçirilib. Allsport.az xəbər verir ki, Azərbaycan yığmasının yarımmüdafiəçisi Toğrul Əratın komandası – “Fortuna” da növbəti matçına çıxıb.

Düsseldorf klubu səfərdə “Leypsiq”lə qarşılaşıb. Matç futbolçumuzun komandasının 1:3 hesablı məğlubiyyəti ilə başa çatıb. Toğrul görüşün 46-cı dəqiqəsindən etibarən meydanda olub.

Qeyd edək ki, “Fortuna” hazırda 36 xalla 7-ci pillədə qərarlaşıb.