“Gəncə” və NTD ölkə kubokunun finalında

25 mart tarixində “Sərhədçi” olimpiya idman mərkəzində basketbol üzrə Azərbaycan kubokunun yarımfinal oyunları keçirildi. Allsport.az xəbər verir ki, ilk yarımfinal oyununda “Gəncə” və “Neftçi” komandaları üz-üzə gəldilər. Yerli oyunçularının dominant oyunu sayəsində “Gəncə” komandası rəqibi üzərində 83:73 hesablı qələbə qazanaraq ilk finalçı oldu.

Ən məhsuldar basketbolçular : “Gəncə” (Amil Həmzəyev – 26 xal, 6 götürmə), “Neftçi” (Yuriy Kondrakov – 18 xal, 10 götürmə).

İkinci yarımfinal qarşılaşması NTD və “AAAF Xırdalan” komandaları arasında baş tutdu. Gərgin mübarizə şəratində davam edən oyunun sonunda NTD basketbolçuları 91:84 hesablı qələbə qazanaraq adlarını finala yazdırdılar.

Ən məhsuldar basketbolçular: NTD (Londel Kinq – 25 xal, 15 götürmə), “AAAF Xırdalan” (Devin Pullum – 23 xal, 5 ötürmə).

“Gəncə” və NTD basketbolçuları arasındakı final oyunu, 26 mart saat 16:00 -da start götürəcək.