Güləş üzrə milli komandalarımızı qarşıda 2 beynəlxalq yarış gözləyir

Güləş üzrə milli komandalarımız təqvim planında nəzərdə tutulan qrafik üzrə qarşıdan gələn yarışlara hazırlaşır. Allsport.az saytı xəbər verir ki, yığma üzvləri Olimpiya Güləş Mərkəzində gündə 2 dəfə məşq keçirlər. Qarşıda hər üç növ üzrə seçmə kollektivi beynəlxalq yarışlar gözləyir.

Pəhləvanlarımız öncə noyabrın 6-8-də Moskvada keçiriləcək Avropa Millətlər Kubokunda, ardından ayın 27-29-da Bakıda baş tutacaq ümummilli lider Heydər Əliyevin xatirəsinə Qızıl qran-rrinin final mərhələsində qüvvələrini sınayacaqlar.