Güləşçilər Atırau sınağında

Sabah Qazaxıstanın Atırau şəhərində güləş üzrə “Oil Kapital Cup” turnirinə start veriləcək. Allsport.az saytı xəbər verir ki, sentyabrın 20-dək davam edəcək beynəlxalq yarışda ölkəmizi “sərbəstlər” təmsil edəcək.

Məşqçi Əşrəf Əliyevin rəhbərliyi ilə ənənəvi turnirdə Musa Ağayev (65 kq), Kənan Heybətov (70 kq) və Əşrəf Aşırov (79 kq) mübarizə aparacaq.

Sentyabrın 19-da Musa xalçaya çıxacaq. Növbəti gün isə Kənanla Əşrəf güləşəcək.