Güləşçilər üçün antidopinq məşğələsi

İyunun 16-da milli antidopinq agentliyinin əməkdaşları güləşçilər üçün seminar keçirib. Allsport.az saytı xəbər verir ki, ortaq tədbirdə sərbəst və yunan-Roma güləşi üzrə milli komandaların üzvləri iştirak edib.

Məşğələnin aparıcısı olan AMADA-nın təhsil şöbəsinin müdiri Lalə Hacıyeva antidopinq qaydaları, qadağan olunmuş maddələrin siyahısı, idmançıların bu sahədə hüquq və öhdəlikləri, məkan məlumatı, narkotik və başqa zərərli maddələrin fəsadları və sair mövzuda geniş məlumat verib. AMADA-nın əməkdaşı idmançı və məşqçilərin irad və təkliflərini dinləyib, suallarını cavablandırıb.

Toplantı zamanı güləşçilər antidopinqin müxtəlif qollarını əhatə edən testdə də iştirak edib.