Güləşçilərimiz bu ildən tünd göy və narıncı döşək üzərində yarışacaqlar

Birləşmiş Güləş Dünyası yeni adla fəaliyyətə başlayandan bəri islahatları davam etdirir. Allsport.az saytı xəbər verir ki, məqsəd bəllidir: BOK-un tələblərinə cavab vermək, geniş auditoriya kütləsinə malik olmaq və tele-yayımla təbliğatı artırmaq.

Bu niyyətlə, UWW uzun illərdən qalan ənənələrə son verərək, yenilklərə başlayıb. Tezliklə bahadırlarımız adəti üzrə sarı-qırmızı deyil, tünd göy və narıncı güləş döşəyi üzərində mübarizə aparacaqlar.

Rənglərin bu cür seçimi canlı yayımda daha geniş tamaşaçı çevrəsinə hesablanıb. Əvvəlki qayda ilk dəfə 1972-ci ildə Munhen Olimpiadasında tətbiq olunmuşdu.