Güləşçilərimiz Dağıstan dövlət xadiminin mükafatı uğrunda yarışacaq

23-25 oktyabr 2015-ci il tarixdə Dağıstan Respublikasının Buynak rayonunda dövlət xadimi Xizri Şıxsaidovun mükafatı uğrunda sərbəst güləş üzrə beynəlxalq turnir keçiriləcək. Allsport.az xəbər verir ki, turnirdə sərbəst güləş üzrə yığma komandanın bəzi üzvləri iştirak edəcək.

Yığma komandanın məşqçisi Siracuddin Eldarovun rəhbərliyi altında qonşu respublikaya 8 güləşçimiz yollanır.

Yarışda ölkəmizi Pərviz İbrahimov, Mircəlal Həsənzadə (hər ikisi 57 kq), Ağahüseyn Mustafayev (61 kq), Ağaəli Ramazanov, Samir Rzayev (hər ikisi 65 kq), Mircəfər Murtuzlu (74 kq), Məhəmməd Abdulxalikov və Hacımurad Məhəmmədsəidov (hər ikisi 86 kq) təmsil edəcək.