Həndbolçuların çempionatı bu tarixdə başlayacaq. Yeni mövsümdə 1-ci liqa da olacaq

Ər-Riyad-2025 İslam oyunlarından sonra, noyabrın son günlərində həndbol üzrə ölkə çempionatı başlayacaq. Allsport.az saytı xəbər verir ki, yeni mövsümdə yüksək liqada kişilərdə və qadınlarda 6 klub çıxış edəcək. Legionçu həddi azalaraq 3 olacaq. Ötən mövsüm 4 gəlmə oyunçuya fürsət verilirdi.

Mərhələli şəkildə bu idman növünün inkişafını və kütləviliyini əsas götürən Azərbaycan həndbol federasiyasının yeni rəhbərliyi növbəti rəqabətdə 1-ci liqanı idmansevərlərin ixtiyarına verəcək. Elitada sonuncu olanla aşağı dəstədə ilk sıranı tutan klublar arasında pley-off olacaq.