- Baxış sayı: 130
- 07 Yanvar 2025 19:59
- Baxış sayı: 632
- Yanvar 03, 2025
- 0
Xorvatiyada güləş üzrə açıq Zaqreb reytinq turniri sona yaxınlaşır.
Allsport.az xəbər verir ki, Azərbaycan yığmasının 3 üzvü xalça üzərinə çıxıb.
Onlardan biri çıxışını medalla başa vurub.
Yunan-Roma güləşi
63 kq
Yarışa 1/4 finaldan start verən Murad Məmmədov fransalı Stefan Klementə qalib gəlib – 6:4. Ancaq bu görüşdə qolundan zədələndiyi üçün turnirdə çıxışını başa vurub.
67 kq
Həsrət Cəfərov amerikalı Alexandro Sanço (3:1), isveçli Niklas Oehlen (9:0) və ukraynalı Oleksey Masiki (9:0) mübarizədən kənarlaşdırıb. Yarımfinalda Ukraynanı təmsil edən soydaşımız, Tokio Olimpiadasının gümüş medalçısı Pərviz Nəsibova (2:4) məğlub olan Cəfərov bürünc medal uğrunda misirli Mustafa Alameldinlə güləşib və 5:1 hesablı qələbəylə turniri üçüncü pillədə başa vurub.
Qadın güləşi
57 kq
Jalə Əliyeva 1/8 finalda çinli Kexin Honqa məğlub olub – 9:20. Təsəlliverici görüşdə ukraynalı Solomiya Vinniki “tuş”la üstələyən Əliyeva bürünc medal uğrunda qarşılaşmada moldovalı Anastasiya Nikitayla bacarmayıb – 4:14.
Qeyd edək ki, yarışın ilk üç günündə Azərbaycan yığması 1 qızıl və 4 bürünc medal qazanıb. Sənan Süleymanov (77 kq) yunan-Roma güləşində çempionluq sevinci yaşayıb. Əliabbas Rzazadə və Nürəddin Novruzov (61 kq), Cəbrayıl Qadjiyev (74 kq) sərbəst, Alyona Kolesnik (59 kq) qadın güləşində üçüncü olub.