Hicran Şərifovla Asif Şirəliyev olimpiya dərəcəli hakimlərin seminarında iştirak edir

24-25 matrda Bolqarıstan paytaxtı Sofiyada olimpiya (İ-S) dərəcəli hakimlər üçün seminar keçirilir. Allsport.az saytı xəbər verir ki, məşğələnin əsas məqsədi referiləri güləş fəndlərinin qiymətləndirilməsində baş verən son dəyişikliklərlə təlimatlandırmaqdır.

Bu toplantıda bizdən 2 ədalət qoruyucusu iştirak edir. Bunlar Hicran Şərifov və Asif Şirəliyevdir. Adı ilk çəkilən hakim 3 dəfə olimpiya oyunlarına təyinat almaqla Azərbaycan idmanında tarix yazıb. Digər gənc referimiz AGF-in hakimlər kollegiyasına sədr olmağa əsas taliblərdəndir.