İdmançıların nailiyyətləri kino vasitəsi ilə təbliğ olunacaq

Azərbaycan milli olimpiya komitəsi ilə Azərbaycan respublikası kino agentliyi arasında əməkdaşlıq memorandumu imzalanıb.

Allsport.az xəbər verir ki, əməkdaşlıq memorandumu qurumlar arasında Azərbaycan idmanı və idman nailiyyətlərinin kino vasitəsi ilə birgə təbliğini nəzərdə tutur. İmzalanma mərasimində MOK-un vitse-prezidenti Çingiz Hüseynzadə, baş katibi Azər Əliyev, MOK-un idman idarəsinin rəisi Həsənağa Rzayev, mətbut katibi Murad Fərzəliyev, agentliyin baş direktoru vəzifəsini icra edən Orxan Sadıqov, audiovizual sənayenin təhlili və strateji inkişafı şöbəsinin müdiri Rüfət Qarazadə, Azərbaycan kinematoqrafçıları ittifaqı idarə heyətinin üzvü, Avrasiya televiziya və radio akademiyasının akademiki Arzu Qulamov iştirak edib.