İki güləşçimiz Qazaxıstanda çempion oldu

Qazaxıstanın Qaraqanda şəhərində sərbəst və yunan-Roma güləşi üzrə ənənəvi yarış keçirilib.

Allsport.az xəbər verir ki, Sovet ittifaqı qəhrəmanı Nurken Abdirovun xatirəsinə keçirilən turnirdə Qazaxıstan, Azərbaycan, Özbəkistan və Qırğızıstandan 500-dən artıq idmançı mübarizə aparıb. Yarışda ölkəmizi təmsil edən sərbəst güləşçilər uğurlu çıxış edib. Nürəddin Novruzov (61 kq) və Abdulrəhman İbrahimov (65 kq) bütün rəqiblərinə qalib gələrək fəxri kürsünün ən yüksək pilləsinə qalxıblar.