İsveç 2030-cu il Qış olimpiya oyunlarına namizədliyini irəli sürməyə hazırlaşır

Allsport.az xəbər verir ki, İsveç olimpiya komitəsinin rəhbəri Hans von Utman 2030-cu il Qış oyunlarına ev sahibliyi etmək üçün mümkün təklifdən danışıb.

Onun sözlərinə görə, 4 ay ərzində texniki-iqtisadi əsaslandırma aparılıb və bu, Stokholmda yarışların təşkilinin mümkünlüyünü göstərib.

“Bizim ilkin araşdırmalarımız göstərir ki, İsveç 2030-cu ildə qış olimpiya oyunlarına ev sahibliyi etmək qabiliyyətinə, texnologiyasına və istəyinə malikdir” – Von Utman deyib.

2030-cu il Oyunlarının keçiriləcəyi yerin 2024-cü ildə seçiləcəyi gözlənilir.