“Kəpəz”də aylıq maaşım 6 min avro idi, amma “Trofense”də 1 qəpik qazanmadım”

“Kəpəz”in keçmiş futbolçusu Serjinyo Karneyro Portuqaliya mətbuatına müsahibə verib. Allsport.az “maisfutebol” nəşrinə istinadən xəbər verir ki, 30 yaşlı portuqaliyalı yarımmüdafiəçi Gəncə klubunda aylıq 6 min avro maaş aldığını deyib:

“Bir il “Trofense”də maaş almadan oynadım. Orda oynamağın çətin olduğunu artıq qəbul etmişdim. “Portu” və “Setubal”ın sabiq futbolçusu Joao Kostanın məsləhəti ilə Azərbaycana getdim. Əslində bu ölkəyə 2013-cü ildə gedə bilərdim, lakin 2016-da yollandım.

Əvvəl qazana biləcəyim pulun yarısına razılaşdım. “Kəpəz”də aylıq maaşım 6 min avro idi. Amma “Trofense”də bir qəpik qazanmadım. Avropa liqasına vəsiqə qazanmadığımız üçün rəhbərlik hamını qovdu”.

Serjinyo 2016/17 mövsümündə “Kəpəz”in formasını geyinib. O, hazırda klubsuzdur.