”Kəpəz”də yubiley

“Kəpəz”in futbolçusu Rauf Hüseynli Azərbaycan çempionatlarının yüksək dəstəsində 100-cü oyununu keçirib.

Allsport.az xəbər verir ki, 25 yaşlı müdafiəçinin yubileyi Azərbaycan premyer liqasının XIV turunun “Araz-Naxçıvan”la görüşünə (0:2) təsadüf edib.

Rauf səfər matçına start heyətində çıxıb. O, premyer liqada keçirdiyi 100 qarşılaşmada 6 qola imza atıb.

Müdafiəçi 5 klubun heyətində çıxış edib. Hüseynli “Kəpəz”də 33 (3 qol), “Şamaxı”da 31 (1 qol), “Qəbələ”də 30 (1 qol), “Zirə”də 5, “Qarabağ”da 1 (1 qol) oyun keçirib.

Premyer liqada debütü 2019/20 mövsümünə təsadüf edən Hüseynli çempionatda 100 və daha çox oyun keçirən 449-cu futbolçudur.