“Kalyari”nin keçmiş futbolçusu oteldə ölü tapılıb

“Kalyari”nin keçmiş yarımmüdafiəçisi Andrea Kapone bazar günü səhər saatlarında Kalyarinin mərkəzində mehmanxanada başından dərin yara ilə ölü tapılıb.

Allsport.az saytı xəbər verir ki, faciə yerinə gələn ekspertlərin ilkin rəyinə görə, 43 yaşlı kişi ehtiyatsızlıqdan, ehtimal olaraq pilləkənlərdən başı dəyərək yıxılıb.

Kapone şənbə günü axşam oteldə dostunun ziyafətində olub və sonra gecəni orada qalıb. Futbolçu “Kalyari”dən başqa, “Sora”, “Trevizo”, “Viçenza”, “Qrosseto” və “Salernitana”da çıxış edib.