Kazemiroya ərəb klublarından maraq var

“Əl-Nəsr” və “Əl-Qədisiyə” “Mançester Yunayted”in yarımmüdafiəçisi Kazemironu transfer etməkdə maraqlıdır.

Allsport.az xəbər verir ki, braziliyalı “qırmızı şeytanlar”ın yeni baş məşqçisi Ruben Amorimin planlarına daxil deyil. Bundan əlavə, klub rəhbərliyi 32 yaşlı futbolçunun gedişi ilə maliyyə xərclərini azaltmaq fikrindədir.

Kazemiro 2022-ci ilin avqustunda “Real Madrid”dən “Mançester Yunayted”ə keçib. Onun müqaviləsi 2026-cı ilin iyununa qədərdir. O, cari mövsüm ərzində 22 oyun keçirib və 3 qol vurub.