Klub nümayəndələri ilə onlayn görüş

İyulun 9-da və 15-də AFFA ilə PFL birlikdə premyer liqa, Əvəzediciliər, I və II liqa klublarının nümayəndələri ilə 2024/2025-ci illər mövsümündə komandaların qeydiyyatı ilə bağlı “Maykrosoft tims” vasitəsilə görüş keçirib.

Allsport.az saytı xəbər verir ki, klublara cari mövsümdən başlayaraq iştirak edəcəkləri yarışlarda qeydiyyatlarını “Futbola qoşul/FİFA Connect” onlayn qeydiyyat platforması vasitəsilə həyata keçirəcəkləri barədə məlumat çatdırılıb.

Təkmilləşmiş vahid qeydiyyatın aparılması məlumat itkisinin və klubların qeydiyyat prosesini iki dəfə etmələrinin qarşısını almaq məqsədi daşıyır.