Komanda hesabında ikincilik

İtaliyanın Kaorle şəhərində keçiriən U20 Avropa çempionatında yunan-Roma güləşi üzrə yarışa yekun vurulub.

Allsport.az xəbər verir ki, millimiz 1 qızıl, 3 gümüş və 2 bürüncmedalla 129 xal toplayıb və komanda hesabında Avropa ikincisi olub.

Yığmamız çempion olan Gürcüstandan cəmi 6 xal geri qalıb. İlk “3-lük”də yer alan Ukrayna da 129 xal toplayıb. Ancaq medalların əyarına görə, millimiz öndə yer alıb.

Böyük məşqçi Nurəddin Rəcəbov, məşqçilər Emin Əhmədov və Turac Hüseynlinin rəhbərliyi altında medal qazanan güləşçilərimiz:

Ayxan Cavadov (60 kq) – qızıl.

Turan Daşdəmirov (55 kq), Tural Əhmədov (63 kq) və Davud Məmmədov (77 kq) – gümüş.

Fərahim Mustafayev (67 kq) və Elmin Əliyev (82 kq) – bürünc.