Küveyt seçməsini yendilər

Çimərlik futbolu üzrə millimiz Bakı toplanışında küveytli həmkarları ilə növbəti yoldaşlıq oyununu keçirib.

Allsport.az saytı xəbər verir ki, “Su idman sarayı”nın ərazisində meydançada görüş 6:2 xeyrimizə bitib.

Seçmənin heyətində Orxan Məmmədov (2), Amid Nəzərov (2), Fuad Hüseynov və Ruslan Voronsov fərqləniblər.

İlk oyunda rəqib 2:0 qalib gəlmişdi. Sonuncu qarşılaşma mayın 11-də olacaq.