Mərhələdə 10-cu, yekunda 15-ci

Türkiyənin Alanya gənclər arasında 2.1 kateqoriyalı veloyürüşə yekun vurulub. Allsport.az saytı xəbər verir ki, 9 ölkədən 17 komandanın tərkibində 83 velosipedçinin mübarizə apardığı 2-günlük turnirdə ölkəmizi Kamran Mirzəxanov təmsil edib.

İlk yarış günündə iştirakçılar 6,3 km məsafəyə fərdi ötüşmədə bacarıqlarını nümayiş etdiriblər. Bu növdə 20-ci olan Kamran 101 km-lik qrup ötüşməsində daha yaxşı çıxış edib – o finiş xəttini 10-cu keçməklə ümumi təsnifatda 15-ci nəticə göstərib.