Məşhur futbolçu sürücülük vəsiqəsindən məhrum edildi

“Mançester Yunayted”in mərkəz müdafiəçisi Harri Maquayr sürət həddini aşdığı üçün sürücülük vəsiqəsindən məhrum edilib.

Allsport.az xəbər verir ki, ingilis futbolçunun yol hərəkəti qaydasını pozması kameralara düşüb. Məhkəmə Harrini 56 gün müddətinə sürücülük hüququndan məhrum edib və onu 666 funt sterlinq cərimələyib.

Maquayr bu mövsüm bütün yarışlarda 17 oyuna çıxıb və 1 qol vurub. Futbolçunun klubla hazırkı müqaviləsi 2025-ci ilin yayına kimi nəzərdə tutulub.