Maliyyə ayrılmadığından, sablyaçılarımız Rio-2016-ya lisenziya xalı verən yarışa qatılmayacaq

9-10 oktyabrda Venesuela paytaxtı Karakasda sablyaçılar arasında dünya kuboku keçiriləcək. Allsport.az xəbər verir ki, həmin yarışda «Neftçi» İdman Klubunun qılıncoynadanları – Səbina Mikinə və Sevil və Sevinc Bünyatova bacılarının iştirakı planlaşdırılmışdı.

Amma həlledici anda millimiz bu səfərdən imtina edib. Saytımıza daxil olan məlumata görə, səbəb maliyyənin ayrılmaması, daha doğrusu, okeanın o tayına yollanma xərcinin çox olması göstərilib. Qeyd edək ki, bu yarış Rio-2016-ya lisenziya xalları verəcək.