Abbas Hüseynov Polşadan medalla dönür

Yeniyetmə qılıncoynadanımız Abbas Hüseynov Polşanın Konin şəhərində keçirilən “Cadet Circuit” beynəlxalq turnirində bürünc medal qazanıb.

Allsport.az xəbər verir ki, o, qrup mərhələsini 4 qələbə ilə başa vurub, şəxsi mübarizəsində pley-offda Böyük Britaniya, Fransa, Almaniya və Rumıniya təmsilçilərini mübarizədən kənarlaşdıraraq yarımfinala yüksəlib.

Təmsilçimiz finalın bir addımlığında turnirin qalibi fransalı Qael Boujrad-Benauda 14:15 hesabı ilə uduzub.