“Mançester Yunayted”in futbolçusu sürücülük hüququndan məhrum edildi

“Mançester Yunayted”in müdafiəçisi Leni Yoro sürət həddini ciddi şəkildə aşdığı üçün sürücülük hüququndan altı ay müddətinə məhrum edilib.

Allsport.az xəbər verir ki, 20 yaşlı fransalı futbolçu həmçinin ümumilikdə 1000 funt-sterlinqdən çox cərimə və məhkəmə xərcləri ödəməli olacaq.

Hadisə ötən ilin avqustunda Mançester ətrafında baş verib. Gənc müdafiəçi yaşayış binalarının və məktəbin yaxınlığında sürət həddinin 48 km/saat olduğu yolda “Porsche Cayenne GTS” markalı avtomobili ilə 112 km/saat sürətlə hərəkət edib. Futbolçu günahını etiraf edərək dostunu dəmir yolu vağzalına çatdırmaq üçün tələsdiyini bildirib və cəzadan apellyasiya şikayəti verməyəcəyini qeyd edib.