Mbappedən tarixi göstərici

İspaniya la liqasının XVII turu çərçivəsində “Real Madrid” öz meydanında “Sevilya”nı 2:0 hesabı ilə məğlub edib.

Allsport.az xəbər verir ki, “Santyaqo Bernabeu” stadionunda baş tutan görüşdə “kral klubu”nun qələbə qollarını Cud Bellingem və Kilyan Mbappe vurublar. Matçın 86-cı dəqiqəsində penaltini dəqiq yerinə yetirən Mbappe bu il vurduğu qolların sayını 59-a çatdırıb.

Bununla da fransalı hücumçu Kriştianu Ronaldunun 2013-cü ildə “Real”ın heyətində müəyyənləşdirdiyi rekordu (təqvim ili ərzində 59 qol) təkrarlayıb.