Xatirə turnirində növbəti medal

Rusiyanın Kaspiysk şəhərində sərbəst güləş üzrə 5-qat dünya çempionu Əli Əliyevin xatirəsinə keçirilən turnirə yekun vurulub.

Allsport.az xəbər verir ki, 55-ci dəfə təşkil edilən memorialın son günündə 61, 70, 79, 92 və 125 kq-da medalçılar müəyyənləşib.

Milli komandanın üzvü Cəbrayıl Hacıyev yeni çəkidə debüt edib. 79 kq-da mübarizə aparan təmsilçi ənənəvi yarışda bürünc medal qazanıb.

Ötən gün Musa Ağayev (65 kq) eyni nəticəyə imza atıb.