Milli komandamızın üzvü 45 dəqiqə oynadı, komandası böyük hesabla uduzdu

Almaniyanın “Fortuna” klubu qış hazırlıq prosesi çərçivəsində növbəti yoxlama oyununu keçirib. Allsport.az xəbər verir ki, Azərbaycan yığmasının futbolçusu Toğrul Əratın da formasını geyindiyi Düssledorf təmsilçisi İsveçrənin “Qrasshopper” klubu ilə qarşılaşıb.

Oyun ikinci Bundesliqa klubunun 0:3 hesablı məğlubiyyəti ilə başa çatıb. Ərat 46-cı dəqiqədən etibarən, hesab 0:2 olarkən mübarizəyə qoşulub.