Millimiz yenə də uduzdu

Qadın futbolçulardan ibarət millimiz AÇ-2021-in seçmə mərhələsində növbəti oyununu keçirib.

Allsport.az xəbər verir ki, Siyasət Əsgərovun başçılıq etdiyi yığmamız səfərdə Moldova ilə qarşılaşıb və 1:3 hesabı ilə uduzub. Seçmə mərhələnin D qrupunda yer alan komandamız əvvəlki iki oyunda da uduzmuşdu.

Kişinyov şəhərindəki “Zimbru” stadionunda oynanılan matçda hər komandadan iki futbolçuya qırmızı vərəqə göstərilib.

Millimiz qrupda bundan əvvəl keçirdiyi ilk iki oyunda həm İspaniya, həm də Çexiyaya 4 cavabsız qolla uduzub.