Millimizin elit-raund və seçmə mərhələdəki rəqibləri bilindi

Bu gün İsveçrənin Nyon şəhərində, UEFA-nın mənzil-qərargahında 19 yaşadək qızlardan ibarət komandalar arasında Avropa çempionatının elit-raundunun, eyni zamanda 2016/17-ci il mövsümünün seçmə mərhələsinin püşkatma mərasimi keçirilib. Allsport.az xəbər verir ki, Elit-raundda yığmamız 1-ci qrupda Almaniya, İrlandiya və Polşa komandaları ilə qarşılaşacaq. Bu mərhələnin oyunları gələn il aprelin 5-də, 7-də və 10-da keçiriləcək.

Püşkə əsasən, yığmamız final mərhələsi 2017-ci ilin yayında Şimali İrlandiyada keçiriləcək qitə birinciliyinin seçmə mərhələsində isə 8-ci qrupda İspaniya, Ukrayna və Latviya komandaları ilə mübarizə aparacaq.