MOK və WAKO arasında rəsmi görüş

Milli olimpiya komitəsində (MOK) dünya kikboksinq təşkilatları assosiasiyasının (WAKO) prezidenti Roy Beyker və qurumun vitse-prezidenti, Türkiyə kikboksinq federasiyasının prezidenti Səlim Qayıcı ilə rəsmi görüş keçirilib.

Allsport.az xəbər verir ki, MOK-un vitse-prezidenti Çingiz Hüseynzadə, baş katib Azər Əliyev, Azərbaycan kikboksinq federasiyasının rəhbərliyi, eləcə də MOK-un beynəlxalq əlaqələr və idman idarələrinin müdirləri görüşdə iştirak ediblər.
2027-ci ildə Bakıda Avropa çempionatının keçirilməsi məsələsi gündəmdədir və müzakirələr davam edir.