Mourinyonun Ronalduya ehtiyacı yoxdur

“Fənərbağça”nın baş məşqçisi Joze Mourinyo açıqlama verib.

Allsport.az xəbər verir ki, portuqaliyalı mütəxəssis “Əl-Nəsr”in ulduz hücumçusu Kriştianu Ronaldunun İstanbul klubuna keçməməsinin səbəbini deyib:

“Kriştianu “Fənərbağça”ya gəlməyəcək. Birinci səbəb odur ki, mənim üç çox yaxşı mərkəz hücumçum var. Ronaldu həmişə Ronaldudur, amma ona ehtiyacım yoxdur, çünki hücumçularımdan razıyam. O, Səudiyyə Ərəbistanında əla məvacib qazanır və hədəfi orada 1000-ci qoluna çatmaqdır. Onu Türkiyəyə gəlməyə İstanbulun gözəlliyindən başqa nə vadar edə bilər?

Yanvar transfer dövrünü çox bəyənmirəm, çünki gələn oyunçuya müəyyən vaxt lazımdır. Mən heç vaxt transferdən imtina etmirəm, amma rəhbərliyin qapısını döyüb transfer istəmirəm. Sadəcə qalib gəlmək istəyirəm”.