Namiq Əliyev növbəti dəfə dünya güləş birliyinin büro üzvü seçilib

Serbiyanın paytaxtı Belqradda dünya güləş birliyinin konqresi keçirilib. Allsport.az saytı xəbər verir ki, iclasda DGB-in büro üzvü, AGF-in vitse-prezidenti Namiq Əliyev, baş katib Nəsimi Musayev və icraiyyə komitəsinin üzvü Vasif Məmmədov iştirak ediblər.

Tədbirdə bir çox məsələlərlə bağlı müzakirələr aparılıb, o cümlədən icraiyyə komitəsinə seçkilər keçirilib. Həmyerlimiz növbəti dəfə ali qurumun büro üzvü seçilib.

İcraiyyə komitəsinin üzvləri qarşıdakı 6 ildə bu vəzifədə fəaliyyət göstərəcəklər.