“Neftçi”nin sabiq prezidenti dəfn olundu

Ötən gün gecə saatlarında vəfat edən “Neftçi”nin keçmiş prezidenti Aydın İbrahimov dəfn olunub. Allsport.az xəbər verir ki, o, Bakının “Qurd qapısı” qəbiristanlığında torpağa tapşırılıb.

Mərasimdə gənclər və idman nazirinin müavini İsmayıl İsmayılov, müdafiə sənayesi nazirliyinin, milli olimpiya komitəsinin və Azərbaycan güləş federasiyasının rəsmi şəxsləri iştirak ediblər.
 
Aydın İbrahimov sərbəst güləş üzrə ilk azərbaycanlı dünya və Avropa çempionu, Olimpiya mükafatçısı və 1988-97-ci illərdə “Neftçi”nin prezidenti olub.