Niçuşkinin durumu bilindi

“Kolorado Evelanş” klubunun baş məşqçisi Cared Bednar hücumçu Valeri Niçuşkinin vəziyyəti barədə məlumat verib.

Allsport.az xəbər verir ki, rusiyalı xokkeyçi NHL-in müntəzəm mövsümündə “Anahaym Daks”la keçirilən matçda (4:1) zədələnib.

“Çox ciddi bir şey yoxdur. Lakin ən azı bir neçə oyunu buraxmalı olacaq”, – deyə baş məşqçi bildirib.

Niçuşkin cari mövsüm 17 matçda iştirak edib və 12 (5 qol + 7 ötürmə) xal toplayıb. Onun faydalılıq əmsalı isə “+2” təşkil edir.