Oliver Lederer: “”Kəpəz”i təzyiq altında saxlamağa çalışacağıq”

Astriyanın “Admira” klubunun baş məşqçisi Oliver Lederer Avropa Liqasının 2-ci təsnifat mərhələsində “Kəpəz”ə qarşı keçirəcəkləri oyundan danışıb. Allsport.az saytı xəbər verir ki, o, ilk matç öncəsi bunu söyləyib:

“Oyun saatını gözləyirik. Rəqib ilk iki oyunda yaxşı müdafiə olunduğunu göstərib. Digər tərəfdən, komandada cənubi amerikalı futbolçuları var. Standart vəziyyətlər həmişə problemdir.

Onlar da bundan yaxşı yararlanmağa çalışırlar. “Kəpəz”i təzyiq altında saxlamağa çalışacağıq. Kapitan Daniel Tot da heyətə qayıda bilər”.