Oyan və İbrahim dünya 2-si oldu

Rumıniyanın Konstanta şəhərində çimərlik güləşi üzrə dünya seriyasının final mərhələsi keçirilib. Allsport.az saytı xəbər verir ki, İbrahim Yusubov (90 kq) finalda türkiyəli rəqibinə xal verməyən qızıl medala sahib çıxıb.

Eyni nəticəni “A” qrupunda mübarizəyə start verən Oyan Nəzəriani (+90 kq) göstərib. O, həm də yarışın “ən yaxşı fənd”ini edən güləşçi kimi xüsusi mükafata sahib çıxıb.

Omid Kamaliağdam (80 kq) 3-cü yer tutub.

Beləliklə, iyulda Fransada startı verilən və 4 mərhələdən ibarət olan çimərlik güləşi üzrə dünya seriyasına Rumıniyada yekun vurulub. Bu mərhələlərdə toplanan xallara əsasən dünya çempionları müəyyənləşib. Adları ilk 2 çəkilən həmyerlimiz dünya ikincisi olublar.