Özbək futbolçu “Real”a keçir?

“Real Madrid” “Lens” müdafiəçisi Əbduqədir Hüsənovun transferində maraqlıdır.

Allsport.az xəbər verir ki, artıq kral klubunun nümayəndələri ilə özbək futbolçunun ətrafı arasında ilk təmaslar baş tutub.

20 yaşlı oyunçuya “Nyukasl”, PSJ və “Mançester Siti”nin də xüsusi maraq göstərdiyi bildirilir.

Hüsənov 2023-cü ildən “Lens”də çıxış edir. Onun klubla müqaviləsi 2027-ci ilə qədərdir. Bu mövsüm Əbduqədir “Lens”in heyətində 16 oyun keçirib və bir məhsuldar ötürmə edib.