“Parlaq ulduz” uşaq liqasının III final mərhələsi keçiriləcək

Üzgüçülük idman növü üzrə “Parlaq ulduz” uşaq liqasının 3-cü final mərhələsi baş tutacaq.
Dekabrın 28-də Bakıda üzgüçülük idman növü üzrə “Parlaq ulduz” uşaq liqasının 3-cü final mərhələsi start götürəcək.

Allsport.az xəbər verir ki, Azərbaycan üzgüçülük federasiyasının, Bakı şəhəri gənclər və idman idarəsinin təşkilatçılığı ilə keçiriləcək yarışda ölkənin 30-a yaxın idman klubunun və seksiyalarının 200-ə yaxın idmançısı mübarizə aparacaqlar. Turnirdə 1-ci yaş qrupunda 2012-2013-cü təvəllüdlü oğlanlar, 2-ci yaş qrupunda 2015-ci il təvəllüdlü oğlanlar, 1-ci yaş qrupunda 2013-2014-cü il təvəllüdlü qızlar, 2-ci yaş qrupunda 2015-ci il təvəllüdlü qızlar öz güclərini sınayacaqlar.

Ən yüksək xallar toplayan üzgüçülər Bakı şəhər yığma komandasının tərkibinə daxil ediləcəklər.