“Qalatasaray”ın oyununa təyinat

Azərbaycan voleybol federasiyasının kommunikasiya şöbəsinin rəhbəri Zöhrab Gözəlbəyli beynəlxalq yarışa supervayzer təyin edilib.

Allsport.az xəbər verir ki, Gözəlbəyli qadın voleybolçular arasında CEV kubokunun 1/16 final mərhələsində “Qalatasaray” və “Portu” komandaları arasında keçiriləcək oyunda hakimlərin fəaliyyətinə nəzarət edəcək.

Dekabrın 3-də İstanbulda keçiriləcək qarşılaşmanın hakimləri italiyalı Mauro Karlo Goitre və finlandiyalı Marko Oravainen olacaq.