“Qarabağ” “Olimpiakos”la oyunla bağlı müraciət etdi

Avropa liqasının əsas mərhələsində VIII turun “Olimpiakos” və “Qarabağ” arasında keçiriləcək matçı izləmək istəyən azarkeşlər bu gündən vauçerləri iTicket.az-da onlayn şəkildə əldə edə bilərlər.

Allsport.az xəbər verir ki, azarkeşlər əldə etdikləri vauçerləri oyun günü saat 19:00-dan 21:00-a kimi “Georgios Karaiskakis” stadionunun 27-ci sektorunun qarşısına yaxınlaşaraq biletə dəyişməlidir. Biletlərin qiyməti 50 manatdır.

Vauçerlər yalnız iTicket.az-da satışda olacaq. Stadionda vauçerlərin və biletlərin satışı olmayacaq.

“Olimpiakos” – “Qarabağ” oyunu yanvarın 30-u yerli vaxtla saat 22:00-da start götürəcək.