“Qarabağ” – “Rudar” matçının biletləri iyulun 10-dan satışda olacaq

İyulun 15-də “Qarabağ” Çempionlar Liqasınında ilk sınağına çıxacaq. Allsport.az xəbər verir ki, ağdamlılar ÇL-in 2-ci təsnifat mərhələsi çərçivəsində Çernoqoriya “Rudar”ını qəbul edəcək.

Tofiq Bəhramov adına Respubilka stadionunda baş tutacaq qarşılaşmanın biletləri iyulun 10-dan satışda olacaq. Biletləri Respublika stadionun kassalarında əldə etmək mümkün olacaq.

Biletlərin satış qiyməti 1, 2 və 20 AZN-dir. 12-17-ci və 29-38-ci sektorlar 2 AZN, geridə qalan nömrəli sektorlar isə 1 AZN-dir. VİP bölməyə biletin qiyməti isə 20 AZN-dir.