Qazaxstanda 1 qızıl və 1 gümüş medal qazandılar

Qazaxstanın Çimkənd şəhərində akademik Saparbayevin xatirəsinə  yunan-Roma güləşi üzrə beynəlxalq turnir keçirilib. Allsport.az saytı xəbər verir ki, bu mübarizədə yerli pəhləvanlarla yanaşı, Azərbaycan, Özbəkistan, Qırğızıstan, Rusiya və Tacikistan millisi iştirak edib.

64 pəhləvanın yarışdığı 59 kq-da Sakit Quliyev bütün rəqiblərindən üstün olaraq turnirin qızıl medalına yiyələnib. 120 kq-da Mehdi Kərimi gümüş medalla kifayətlənib. Finala qədər itkisiz irəliləyən güləşçimiz zədələndiyindən son görüşə çıxa bilməyib.