“Qranada” Eddi İsrafilovu itirdi

Azərbaycan yığmasının və “Qranada”nın yarımmüdafiəçisi Eddi İsrafilov İspaniya La Liqasının 30-cu turu çərçivəsində “Selta”ya qarşı oyunu buraxa bilər. Allsport.az xəbər verir ki, son turda Madrid “Real”ı ilə səfər oyununda (1:9) “Qranada”nın iki futbolçusu sıradan çıxıb.

Bunlar Piti və Eddidir. Köhnə zədəsini təzələyən İsrafilov bu üzdən ötən gün məşq də etməyib.

Qeyd edək ki, “Qranada” hazırda 23 xalla 19-cu pillədə qərarlaşıb.