Qurban Qurbanovun feyr-pley jesti UEFA-nın iclasının gündəliyində

UEFA-nın ədalətli oyun və sosial məsuliyyət komitəsinin növbəti vebinarı keçirilib.

Allsport.az saytının məlumatına görə, konfrans liqasında fevralın 24-də keçirilmiş “Qarabağ” – “Marsel” oyununda qeydə alınmış feyr pley hadisəsi AFFA-nın icraçı vitse-prezidenti, müvafiq komitənin sədri Elxan Məmmədovun təklifi ilə gündəliyə daxil olunub və məsələ barədə fikir mübadiləsi aparılıb.

Xatırladaq ki, “Qarabağ” – “Marsel” oyununda Ağdam təmsilçisinin vurduğu qol hakim tərəfindən qeydə alınmış, baş məşqçi Qurban Qurbanov futbolçularla qısa dialoqdan sonra referiyə qolun qaydalara uyğun olmadan vurulduğunu bildirmiş və qol qərarı ləğv olunmuşdu.