Rafiq Hüseynova həsr olunan verilişin təqdimatı

Titullu yunan-Roma güləşçisi Rafiq Hüseynova həsr olunan “26 il arzuladıqlarımı 6 aya həyata keçirdim” adlı verilişin təqdimatı olub.

Allsport.az saytı xəbər verir ki, tədbirdə gənclər və idman naziri Fərid Qayıbov, idman ictimaiyyətinin nümayəndələri, tanınmış idmançılar iştirak ediblər.

“Motivator Azerbaijan”ın hazırladığı verilişin təqdimatından öncə çıxış edən Rafiq Hüseynov bu maraqlı verilişə görə təşkilatçılara təşəkkür edib. Sonra veriliş nümayiş olunub.

Süjetlərdə olimpiya mükafatçısı, dünya və 3-qat Avropa çempionunun güləşə başlamasından, qazandığı nailiyyətlərdən, şəxsi həyatından və hədəflərindən bəhs edilib.