“Real Madrid”də prezident seçkiləri başlayır

“Real Madrid” ayın sonuna kimi yeni prezidentin təyin olunacağı seçki prosesinin başladığını elan edib.

Allsport.az xəbər verir ki, bu barədə klubun rəsmi saytı məlumat yayıb:

“Prezident bu gün keçirilən idarə heyətinin iclasını dinləyib və “Real Madrid” futbol klubunun nizamnaməsinin 38-ci maddəsinə uyğun olaraq, seçki komitəsinə prezident və direktorlar şurasının seçkilərinin çağırılması proseduruna başlamağı tapşırıb”.

İspaniya mətbuatı namizədlərin müraciətlərinin yanvarın 8-dən 18-dək qəbul ediləcəyini yazır. Digər namizəd olmasa, Florentino Peres daha 4 il vəzifəsində qalacaq.