“Bütün Azərbaycanı təmsil etmək üçün gedirəm”

Xorvatiyanın “Hayduk” klubu ilə icarə müqaviləsi imzalayan Ruslan Qurbanov bu transferlə bağlı fikirlərini açıqlayıb. Allsport.az xəbər verir ki, “Neftçi”nin və milli komandamızın hücumçusu öz rəsmi feysbuk profilində bunları qeyd edib:

“Təbriklərə görə hamıya çox təşəkkür edirəm. Təşəkkürlər, “Neftçi”! Azarkeşlərə təşəkkür edirəm: siz həmişə mənim ürəyimdə olacaqsınız. Siz həmişə hamıdan yaxşı olmusunuz və olacaqsınız. Mən, bütün Azərbaycanı təmsil etmək üçün gedirəm. Məni buraxdığına görə “Neftçi” rəhbərliyinə təşəkkür edirəm. Həmişə ürəyimdəsiniz!”