Ruslan Qurbanov “Hayduk”u məğlubiyyətdən xilas edə bilmədi

Xorvatiya çempionatında 27-ci turun oyunları keçirilib. Allsport.az xəbər verir ki, Azərbaycan yığmasının hücumçusu Ruslan Qurbanovun komandası – “Hayduk” da növbəti matçına çıxıb.

Futbolçumuzun klubu doğma meydanda “RNK Split”lə qarşılaşıb. Split derbisi “Hayduk”un 1:2 hesablı məğlubiyyəti ilə başa çatıb. Qurbanov matçın 66-cı dəqiqəsində meydana çıxmasına baxmayaraq, komandasını məğlubiyyətdən xilas edə bilməyib.

Qeyd edək ki, “Hayduk” hazırda 37 xalla dördüncü pillədə qərarlaşıb.