Şənol Günəş “Qarabağ”la yoldaşlıq görüşü keçirməkdən şad olacağını deyib

Türkiyənin “Beşikdaş” klubunun baş məşqçisi Şənol Günəş “Qarabağ” barədə danışıb. Allsport.az saytı xəbər verir ki, o, ötən gün Super liqanın növbəti turunda “Kayserispor”a qarşı keçirdikləri oyundan (4:0) sonra azərbaycanlı jurnalistin “Qarabağ”la bağlı sualına cavab verib.

Həmkarımız türkiyəli təcrübəli mütəxəssisdən “Qarabağ”la yoldaşlıq görüşü keçirməyi düşünüb-düşünmədiklərini soruşub. Günəşin cavabı belə olub: “Bundan şərəf duyarıq. Azərbaycanla eyni duyğuları bölüşürük və eyni millətik. “Qarabağ” komandasını da tanıyıram. İnşallah, bir gün orada və ya burada matç keçirərik”.